Belghrærivélin er á miklu undanhaldi en stendur sig samt sem áður alltaf vel. Flestir múrarar í dag eru farnir að nota tilbúnar múrblöndur til yfirhúðunar(múrunar) og múrviðgerða og nota flestir núorðið annars konar hrærivélar við að hræra þeim upp. Þessar múrblöndur eru framleiddar í sementsverksmiðjum sem þurfa að fylgja gæðastöðlum. Þegar belghrærivélar eru notaðar þá er hætt við að múrblandan geti orðið misjöfn nema ýtrustu mælingar eigi sér stað, en það er maður laus við með tilbúnum sementsblöndum frá verksmiðjum sem ábyrgjast oftast framleiðslu sína.
